АУДАН ӘКІМІНІҢ ОРЫНБАСАРЫ МЕКТЕП БІТІРУШІ ТҮЛЕКТЕРДІ ҚҰТТЫҚТАДЫ

25 мамыр мектеп бітірушілердің өміріндегі ең маңызды сәт – «Соңғы қоңырау» салтанаты еліміздің барлық аймағында бір мезетте өткізілуде. Жалағаш ауданында биыл 287 жас түлек алтын ұя мектебімен қоштасып, үлкен өмірге қадам жасамақ. Аудан әкімінің орынбасары Жағыпар Тажмаханов кенттегі №123 мектеп-лицейінде өткен соңғы қоңырау салтанатына қатысып, жас түлектерге өзінің жылы лебізін білдірді.
  - Ауданда болашақтың тірегі  - жастардың толыққанды білім алуына жан-жақты жағдай жасалған. Білім беру сапасы жылдан – жылға артып келеді.

 Ұлттық бірыңғай тестілеу қорытындысымен 87,5 балды құрап, ауданымыз былтырғы жылы облыс бойынша аудандар арасында бірінші орынды иеленді.

Мектеп бітірген 344 бітірушінің 334-і (97 пайызы) жоғарғы және арнаулы орта оқу орындарына түсті.  Сонымен қатар, талапкерлер Ресей мемлекетінің маңдай алды ЖОО-на облыс әкімінің грантына ие болуда. Осының барлығы да сіздердің келешекте бәсекеге қабілетті білікті маман болып қалыптасуларыңыз үшін жасалып жатқан шаралар, - деген аудан әкімінің орынбасары алдағы сын сағаттан сүрінбей өтіп, армандаған мамандықтарының иесі атануларына тілектестегін білдірді. 
           Ауданда биыл 20 мектептен 227 мектеп бітіруші түлек ҰБТ-ға қатысады. Олардың 22-і «Алтын белгіге», 20-ы Үздік аттестатқа үміткер. Айта кетейік, Т.Жүргенов атындағы №123 мектеп-лицейін биылғы жылы 35 оқушы бітіреді. Биылғы оқу жылында мектеп-лицей мұғалімдері облыстық, республикалық кәсіби байқаулардан 23 жүлделі орындар иеленсе, оқушылары түрлі деңгейдегі байқаулар, пәндік олимпиадалар, ғылыми жобалардың облыстық, республикалық кезеңінен 39 жүлделі орындарды иеленген.